Астанада мектеп көлік картасын рәсімдеу жолдары қандай

Астанада 18 жасқа дейінгі оқушылар қала және қала маңы бағдарларында тегін жүру құқығына ие. Ол үшін мектеп көлік картасын валидациялау немесе виртуалды тарифпен – Avtobys қосымшасымен QR-кодты сканерлеу қажет, деп хабарлады Elordainfo.kz.

Мектеп көлік картасын рәсімдеу үшін Орталық кассаға жүгінуге болады. Мекенжайы: Р.Қошқарбаев даңғылы, 50/1.

Уақытты үнемдеп, кезекте тұрмау үшін ыңғайлы рәсімдеу жолдарын ұсынамыз:

Пластикалық мектеп көлік картасы (ақылы – 1 200 теңге)

• Картаны шығару немесе қайта шығару өтінімін Transcard.kz сайтында онлайн беруге болады.

• Көлік картасы дайын болған кезде кезексіз Орталық кассаның ресепшнінен алып кетуге болады.

Виртуалды мектеп көлік картасы (тегін)

• Transcard.kz сайтында онлайн рәсімделеді.

• Тексеру мен модерациядан кейін Avtobys мобильді қосымшасында «Стандарт» мәртебесі «Оқушыға» өзгереді.

• Жолақы қосымшамен QR-кодты сканерлеу арқылы расталады.

Жолақыны пластикалық картамен де, виртуалды тарифпен де растауға болады.

Назар аударыңыз! Бірінші сынып оқушыларына мектептік көлік картасын рәсімдеу тек баланың деректері оқушылар дерекқорында пайда болғаннан кейін мүмкін болады.