Астанада Қажымұқан көшесінің бір бөлігі уақытша жабылды

Астана қаласының Көлік және жол-көлік инфрақұрылымын дамыту басқармасы Қажымұқан көшесінің Тәуелсіздік даңғылынан М.Жұмабаев даңғылына дейінгі аралығында жол төсемінің жоғарғы қабатын төсеу жұмысын жүргізіп жатыр, деп хабарлады Elordainfo.kz.

Бұл ретте 12 қыркүйектен бастап күндізгі уақытта Қ.Сәтбаев көшесі жағынан Қажымұқан көшесі бағытындағы қозғалыс толығымен жабылды.

Ақбұлақ каналы жағынан бағыт тек оңға және солға қамтамасыз етіледі. Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз, - делінген хабарламада.

Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылды.