Астанада Алматы көшесінің бір бөлігі жартылай жабылды

Фото: Оңалхан Өнерхан

Астананың Көлік және жол-көлік инфрақұрылымын дамыту басқармасы Сауран көшесінен Қабанбай батыр даңғылына дейінгі учаскеде Алматы көшесін орташа жөндеу жұмысын бастады, деп хабарлады Elordainfo.kz.

Жөндеу жұмысының жүргізілуіне байланысты осы жылдың 13-25 сәуір аралығында аталмыш учаскедегі қозғалыс ішінара жабылды. Бұл ретте көлік қозғалысы тараптардың бірі бойынша екі бағытта да ұйымдастырылады.

Жүргізушілер мен жаяу жүргіншілерден қозғалыс бағытын алдын ала жоспарлауды және ықтимал өзгерістерді ескеруді сұраймыз, - делінген хабарламада.

Айта кетейік, қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылды.