Астанада волонтерлер зейнеткерлердің ауласын қардан тазалады (Фото)

Бүгін Астанада бір топ волонтер зейнеткерлердің ауласын қардан тазалады, деп хабарлады Elorda.info.

Бұл игі істі Астана қаласы әкімдігінің «Астана жастары» Жастар ресурстық орталығы, Байқоңыр ауданы әкімінің аппараты және  «Астана қаласының Жастар саясаты мәселелері басқармасы» ұйымдастырды.

Қар тазалау аккциясына 130-ға жуық адам қатысты. Олардың қатарында волонтерлер, студенттер, «Жас сарбаз» әскери-патриоттық қозғалысының тәрбиеленушілері, жастар ұйымдарының өкілдері бар.

Жыл сайын «Жас сарбаз» әскери-патриоттық қозғалысының тәрбиеленушілері осындай акцияларға қатысады. Волонтерлер елорданың аязды күндері қала тұрғындарына тегін шай мен ыстық бауырсақ таратуды дәстүрге айналдырған. Мұндай қайырымды іс адамдардың бойын ғана емес, рухын жылытады және оларға жақсы көңіл-күй сыйлайды. Сондай-ақ біз соғыс ардагерлеріне және жалғызбасты зейнеткерлерге көмектесіп тұрамыз, - деді «Жас Сарбаз» қозғалысы Астана қалалық филиалының төрағасы Асхат Налшыбек.