Елордада үстел теннисі орталығы пайдалануға берілді

ашық дереккөз

Астанада ADD TABLE Tennis Center ASTANA заманауи үстел теннисі орталығының ашылуы өтті, деп хабарлады Elorda.info.

Кешен әлемдік стандарттарға толық сәйкестендіріліп салынған. Нысанның жалпы ауданы 3700 шаршы метрден асады. Жарыс кезеңінде орталықтың негізгі залы (2300 ш.м.) 16 үстелге есептелген және күнделікті жаттығу сабақтарына арналған 20 теннис үстелі бар.

Трибунада 416 көрерменге орын бар. Мұнымен қоса, орталықтың инфрақұлымында жаттығу залы, медицицина кабинеті, тренер, судья кабинеттері, конференц-зал, кафе, спорт жабдықтарының дүкені бар. Орталықтың жабдықталуы оған халықаралық үстел теннисі федерациясының республикалық, халықаралық турнирлерін өткізуге мүмкіндік береді.