Коронавируспен күрес үшін 25 наурызда 21 млрд теңгеден астам қаржы аударылды – Абаев

Ақпарат және қоғамдық даму министрі Дәурен Абаев билік тарапынан коронавирус инфекциясымен күрес үшін қаржы үш рет бөлінгенін мәлім етті, деп хабарлайды Елорда Инфо тілшісі. «Коронавируспен күрес үшін үкімет резервінен қаржы үш рет бөлінді. Оның бірінші траншы 29 қаңтарда 1 млрд 609 млн теңге, 21 ақпанда қосымша 428 млн 227 мың теңге, үшінші рет 25 наурызда 21 млрд 430 млн 635 мың теңге аударылды. Бұл қаржы дәрі-дәрмектер, медициналық заттар және лабораториялық құрал-жабдықтар алу үшін жұмсалды. Олардың қатарында тиісінше бетперде, қолғап, қорғаныс киімдері және тест жүйелері бар», - дейді ведомство басшысы. Айтуынша, бұл шығындар тұрғындарды жедел медициналық эвакуациялауға да жұмсалыпты.