Елордада қант жеткілікті мөлшерде ме

Қазіргі уақытта тек осы нысандарда шамамен 300 тонна қант бар.

Қанттың бір келісі 470-480 теңге бағамен сатылады. Біз айналым тетігі аясында қарыз алған «Мир круп» ірі жеткізушісінің қоймаларындамыз. Қарыз алушы тараздық қант зауытымен жеткізуге тікелей шарт жасасты, бұл шамамен 3 мың тонна. Қазіргі кезде басқармамен жалпы 4 мың тоннаға жуық қант әкелуге келісімшарт жасалды, - деді Азық-түлік қауіпсіздігі бөлімінің басшысы Руслан Ыдырысов.

Айта кетейік, қалаға қант жеткізу тұрақты негізде және кідіріссіз жүргізілуде. Апта соңына қарай «Мир круп» қоймасына тағы 5 вагон қант келеді, бұл шамамен 350 тонна. «Магнум» және «Смолл» сауда желілері айдың соңына дейін тағы 136 тонна келеді. Өнім апта сайын жеткізілуде.