Елордада оқушылардың көлік картасын қайдан алуға болады

ашық дереккөз

Елордада мектеп көлік картасының болуы және оны автобуста міндетті түрде валидация жасау шартымен 18 жасқа дейінгі балаларға тегін жол жүру мүмкіндігі бар. Картаны Р.Қошқарбаев даңғылы 50/1 мекенжайындағы орталық кассада немесе онлайн, transcard.kz сайтында алуға болады.

Құрметті ата-аналар, transcard.kz сайты арқылы онлайн тапсырыс беріп, дайын болған мектеп көлік карталарын алуларыңызды сұраймыз, – делінген компанияның хабарламасында.

Айта кету керек, көлік картасының дайындығы туралы хабарлама тіркеу кезінде көрсетілген электрондық поштаға жіберіледі.

Сондай-ақ, бүгіннен бастап дербестендірілген (жеңілдік және мектеп) көлік карталарының бастапқы шығарылымының құны ҚҚС-пен 800 теңгені, қайта шығару – ҚҚС-пен 1 500 теңгені құрайды.