Елордада биыл iQala порталы арқылы 35 мың өтініш берілген

Жыл басынан бері iQala орталығы елорданың коммуналдық қызметтеріне қатысты 140 мың қызмет көрсеткен, оның ішінде 35 мың өтініш iqala.kz порталы арқылы берілді.

Орталық жұмысының арқасында коммуналдық қызметтермен шарттарды ресімдеу процесі бір айдан жарты сағатқа дейін қысқарды.

Мысалы, жылжымайтын мүлікті сатып алғаннан кейін шарттарды ресімдеуге өтінімді үйден шықпай-ақ беруге болады.

Ол үшін порталда ЭЦҚ арқылы авторизация қажет. Қызметтерді өңдеу мерзімі реттеледі. Шарттар дайын болғаннан кейін тұтынушының мобильді нөміріне SMS-хабарлама келеді.

іQala орталығында Р.Қошқарбаев даңғылы, 29 мекенжайында орналасқан фронт-офис бар. Фронт-офис "бір терезе" қағидаты бойынша жұмыс істейді. Орталық жеке және заңды тұлғаларға қызмет көрсетеді. Барлық қызметтер тегін көрсетіледі.

Бүгінде "Қазақтелеком", “Clean City” NC, "Астанаэнергосбыт", Elorda Eco System, SPK Development, "Астана-АЭК", "Астана Теплотранзит", "Астана ЕРЦ", "Астана су арнасы" қызметтері цифрландырылған. Орталық елорданың қалған коммуналдық қызметтерінің қызметтерін цифрландыруды жоспарлап отыр.