Елордадағы Орталық стадион жаңартылады

ашық дереккөз

Биыл стадионның салынғанына 85 жыл. Спорт кешені 1936 жылы ашылған. Бұған дейін атауы сегіз рет ауысып, 1986 жылы Мұңайтпасов есімі берілген. Стадионға 12 250 көрермен сияды.

Нұр-Сұлтан әкімдігі өкілдерінің мәліметінше, 2020 жылы маусымда стадион апаттық жағдайда деп танылған.

"Мұңайтпасов атындағы Орталық стадион апатты деп танылғандықтан, бүгінде жобалау-іздестіру жұмыстары жүргізіліп жатыр. Спорт кешені эскиздік жобаны әзірлеу сатысында", - деді әкімдіктің баспасөз қызметінің өкілдері.

Әкімдік өкілдері бұл жай жөндеу жұмысы немесе реконструкция емес екенін айтады. Ғимарат пен трибуна толығымен бұзылып, орнына жаңа стадион салынады.