«Руханият» орталығына жаңа басшы тағайындалды

Тілдерді дамыту және архив ісі басқармасы басшысының орынбасары Рысбек Минаймбекұлы «Руханият» КММ ұжымына жаңа басшыны таныстырып, алдағы жұмысына сәттілік тіледі.

Мейрамғазы Көпбайұлы білімі жоғары, Шәкәрім Құдайбердіұлы атындағы Семей мемлекеттік университеті «Филология: қазақ тілі мен әдебиеті» мамандығын бітірген. Ғылыми дәрежесі «Мәдениеттанушы-магистр».

Еңбек жолын 2008 жылдары «Радио» ЖШС, «Радио 7», «Қазақстан» РТРК, «Астана» радиосында, «Қазақ радиолары» ЖШС, «Балапан» арнасында редактор, жүргізуші қызметтерін атқарған.

2020 жылы Нұр-Сұлтан қаласы әкімдігінің Мемлекеттік академиялық филармониясы, менеджер, қоғаммен байланыс және маркетинг бөлімінің жетекшісі лауазымдарын атқарған.