Елордалық егіз қыз Түркияның The Voice жобасының төрешілерін таңғалдырды

Бұл туралы Аяна Тайбекова Instagram-дағы парақшасында жазды.

The Voice байқауында Аяна мен Диана Тайбековалар Jessie J-Price Tag-тің "Ақша" атты әнін орындады. Сөйтіп олар байқаудың іріктеу кезеңінен өтті.

Өнерлі апалы-сіңлілер Түркиядағы ең танымал әнші Мұрат Боздың тобына барды.

Аяна қоңырау шалып, кастинге қатысуымды өтінді. Алайда мен оған қарсы болдым. Мен ән айтқанды жақсы көремін. Бірақ туған-туыстарым мен достарымның арасында кішігірім отырыстарда ән салатынмын. Мені кастинге қатысуға Аяна көндірді, —дейді Тайбекова.

Қазір егіз қыздар Антальяда тұрады. Диана туризм саласында төрт жылдан бері, ал Аяна жеті айдан бері жұмыс істейді. Қыздар Түркияға осыдан төрт жыл бұрын көшіп барған. Олар Нұр-Сұлтандағы Тұран колледжінде "Туризм менеджері" мамандығы бойынша білім алған.