Елорда әуежайы мен вокзалында вакцинация пункті ашылды

«Жалпы, қалада бірінші компонентпен тиісті контингенттің 66 пайыздан астамы қамтылған. Осы жұмысты жақсарту және халықты көбірек қамту мақсатында біз вакцинация пунктерін тағы екі ұйымға – көптеген азаматтар жиналатын жерлерге орналастырамыз» делінген қалалық Денсаулық сақтау басқармасының хабарламасында.

«Нұрлы жол» вокзалындағы вакцинация аймағы 4-қабатта, әуежайдағысы 1-қабатта халықаралық және ішкі терминал арасындағы өткелде орналасқан. Жұмыс кестесі – күн сайын сағат 10:00-ден 20:00-ге дейін.

Қазір қала бойынша вакцинация пункттері «Керуен», «Хан Шатыр», «Азия Парк», «Абу Даби Плаза» сауда ойын-сауық орталықтары және «Евразия» сауда орталығында, медициналық мекемелерде орналасқан. Барлығы 84 вакцинация пункті, сондай-ақ еңбек ұжымдарын вакцинациялау үшін көшпелі бригадалар жұмысын жалғастырып жатыр.