Қазақстанның сыртқы қарызы белгілі болды

ЕАЭО елдерінің сыртқы қарызы едәуір қысқарған, деп хабарлады Elorda.info Еуразиялық экономикалық комиссияға сілтеме жасап.

Ұйым дерегіне сүйенсек, 2022 жылғы 1 қазандағы жағдай бойынша Одақтың сыртқы борышы өткен жылмен салыстырғанда 8,6%-ға немесе 61,7 млрд долларға төмендеген.

Атап айтқанда, бұл көрсеткіш Қазақстанда – 160,9 млрд (-3,2%), Беларусьте – 41,5 млрд (-1,9%) және Ресейде – 434,1 млрд долларға (-11,4%) дейін төмендеді.

Ал Арменияда – $13,9 млрд-қа дейін (+0,4%), Қырғызстанда – 99,2 млрд-қа дейін (+4%) өсті.

Одаққа мүше мемлекеттердің сыртқы борыш құрылымында Беларусьте басқа секторлар бойынша, Қазақстанда – фирмааралық кредиттеу (тікелей инвестициялар) бойынша, Ресейде – басқа секторлар және фирмааралық кредиттеу бойынша қарыздың азаюы байқалды. Армения мен Қырғызстанда қарыздың ең көп өсуі банк секторында байқалды, – делінген ЕЭК хабарламасында.