«Самұрық-Қазына»АҚ қорынан «Қазақстан Халқына» қорына 130 млрд теңге бөлінеді – Қаржы министрлігі

Бүгін Қаржы министрінің міндетін атқарушы Ержан Біржанов 2023 жылы Самұрық-Қазына» АҚ қорынан «Қазақстан Халқына»  қорына 130 млрд теңге бөлінетінін айтты, деп хабарлады Elorda.info.

Президенттің тапсырмасы бойынша «Самұрық-Қазына» АҚ қоры келесі жылы  130 млрд теңгені «Қазақстан Халқына» қорына аударады. Бұл дегеніміз таза табысының 7 пайызын құрайды, -деді Е.Біржанов.

Ержан Біржановтың айтуынша, 2023 жылы  «Самұрық-Қазына» АҚ қорынан 170 млрд-тан астам қаржыны бюджетке ауыстыру жоспарланып отыр.

«Самұрық-Қазына» АҚ қоры алдағы  жылы 260 млрд теңгеге әлеуметтік жобаларды  қаржыландырады. Олардың ішінде қаржы әсіресе медициналық орталықтар, мектептер, спорт объектілері, тұрғын-үй салуға жұмсалады. Сондай-ақ әлеуметтік осал топтардағы азаматтарға бөлінетін болады. Бұлардың барлығы халықтың жағдайын жақсартуға бағытталған, - деді Е.Біржанов.