Екі айдың ішінде «Қазпошта» жүз пайыз сатылатын болды

«2020 жылғы 28 тамызда «Самұрық-Қазына» ҰӘҚ» АҚ Директорлар кеңесі стратегиялық инвесторға акциялардың 51пайызын 100 пайызға тікелей мақсатты сату арқылы «Қазпочта» АҚ сату әдісін анықтады. Қор басқармасы «Эрнст энд Янг Казахстан» ЖШС ұсынымы негізінде тиісті тексеру кезеңіне жіберілген әлеуетті инвесторлардың тізімін бекітті: 1) «Халық Банкі» АҚ (Halyk Bank), 2) Еуразиялық Digital Ventures ILP консорциумы және LLP «TransCom» ЖШС, 3) «АМС «Алмалы» ЖШС мен «Хави Қазақстан» ЖШС» делінген «Қазпошта» АҚ активтерін басқару тиімділігінің мемлекеттік аудитінің есеп комиссиясы қорытындысында.

Ақпаратқа сәйкес, «Қазпошта» АҚ акцияларын 51 пайыздан 100 пайызға дейін бәсекелестік ортаға беру кестесі де жаңартылды.

Міндетті ұсыныстарды беру және ең төменгі бағаны белгілеу кезеңіне жіберілген әлеуетті инвесторлар тізімін жаңарту жалғасуда. Мәміле 2022 жылдың 16 қаңтарына дейін аяқталады деп жоспарланған. 2020 жылғы 31 желтоқсандағы жағдай бойынша «Қазпошта» активтерінің құны 108 миллиард теңгені құрады.