Ауыл тұрғындары үшін профилактикалық тексеру қызметтері кеңейтілді

Министрлік ел тұрғындарын профилактикалық тексеру қызметтерін кеңейту туралы бұйрықты бекітті.

Ауыл тұрғындарын профилактикалық тексеруді жүргізу үшін жаңа нысаналы топты анықтау есебінен 18 жастан 29 жасқа дейін халықты қамтуды ұлғайту көзделген. Айта кетер жайт, бұған дейін жастар 30 жастан 70 жасқа дейінгі скринингтік зерттеулермен қамтылмаған. Жас адамдарды зерттеу жүрек-қантамыр жүйесінің, қант диабетінің, асқазан мен бүйректің созылмалы ауруларының, онкологиялық аурулардың (қуық асты безінің) ауруларын ерте сатыда анықтауға мүмкіндік береді, деп жазылған хабарламада.

Тағы бір айта кетерлігі, ауылдық жерлерде профилактикалық тексерулер жүргізу үшін 4 нысаналы топ айқындалды. Олар:  18 жастан 29 жасқа дейін «Жастар», 30 жастан 44 жасқа дейін  «Еңбек – 1», 45 жастан 65 жасқа дейін «Еңбек -2» және 66 жас және одан жоғары «Зейнеткер».

0 жастан 18 жасқа дейінгі балаларды профилактикалық қарап-тексеруді ұйымдастыруды жетілдіру мақсатында ағымдағы жылы 1 жас, 3, 6 және 14 жас аралығындағы балаларға назар аудара отырып, зертханалық зерттеулердің қосымша әдістерін қоса отырып, профилактикалық қарап-тексеру пакеттерін кеңейту жоспарлануда. Көрсетілген жас санаттарында қосымша жалпы клиникалық зертханалық талдаулар енгізілген, деп жазылған хабарламада.