Алматыда 105 мыңға жуық адам ревакцинациядан өтті

Қоғамдық денсаулық сақтау басқармасының мәліметінше, ревакцинациядан 104 916 алматылық өтті.

20 қаңтар күні 4 198 алматылық вакцина салдырды. Вакцина салдырғандар саны бойынша Алматы қаласы алдыңғы орында. Өткен жылдың 1 ақпаны мен биылғы 20 қаңтар аралығында қалада 1 095 040 тұрғын вакцинаның бірінші компонентін, 1 042 772 адам екінші компонентін салдырған. Оның ішінде 123 885 адамның жасы 60-тан асқан, - делінген хабарламада.

Бүгінгі таңда Pfizer (Comirnaty) компаниясының екпесін 35 909 адам салдырды. Оның ішінде 1953 жүкті әйел, 7 652 бала емізетін ана және 26 304 жасөспірім бар.

Бүгінгі таңда қалада медициналық ұйымдарда 119 вакцинация пункті жұмыс істейді. 140 вакцинация бригадасында 522 медицина қызметкері жұмылдырылды, - делінген Алматы қаласы Қоғамдық денсаулық сақтау басқармасының мәліметінде.