Астаналық оқушылар робот құрастырып шығарды

Астана қаласының М.Мақатаев атындағы №74 мектеп-гимназиясының 10-сынып оқушылары ақылды робот құрастырып шығарды, деп хабарлады Elordainfo.kz қала әкімдігінің ресми сайтына сілтеме жасап.

Құрастырушылардың айтуынша, оқушылардың оқу үлгерімін жақсартуға өздері құрастырып шығарған робот ерекше мотивация беретін көрінеді. Сондай-ақ, өзара байланыс ретінде пайдаланудағы тиімділігі де байқалды. Бұл роботқа қызығушылық танытатындар да бар.

«Қазіргі уақытта Темірбек еліміздің басқа қалаларындағы оқу орындарында балалармен кездесіп жүр», - дейді информатика пәнінің ұстазы Айдана Оңғарбекқызы.

Робот сөйлей алады, сұрақтарға жауап бере алады. Оқушылар енді оны жүргізудің жолын ойластырып отыр.