Бастауыш сыныпқа арналған академиялық пәндердің мазмұны қайта қаралуда

Орта білім беру мазмұнын еңбек нарығының талаптарына, педагогика және психология саласындағы жаңалықтарға сәйкестендіру үшін Ы. Алтынсарин атындағы Ұлттық білім академиясының базасында арнайы жұмыс тобы құрылды. Жұмыс тобы бастауыш сынып оқушыларының психоэмоционалдық жағдайын ескере отырып, академиялық пәндердің мазмұнын қайта қарау, жоғары сынып оқушыларын кәсіптік бағдарлау, оқушылардың дербестігін, әлеуметтік дағдылары мен шығармашылық қабілеттерін дамыту, инклюзивті білім берудің қолжетімділігін арттыру мәселелерін пысықтайды, - деді Үкімет басшысының орынбасары Ералы Тоғжанов Сенат депутаттарының сауалына берген жауабында.