Жезқазғанда көпқабатты тұрғын үй өртеніп, 80 адам эвакуацияланды

Фото: freepik.com

Бүгін Жезқазған қаласында көпқабатты тұрғын үйлердің біріндегі пәтерде өрт шықты, деп хабарлады Elordainfo.kz ТЖМ баспасөз қызметіне сілтеме жасап.

Өрт сөндіру бөлімшелері оқиға орнына келген кезде пәтер ішінде қою түтін байқалып, тұрғындарға қауіп төндірді.

«Өрт орнына Ұлытау облысы ТЖД күштері мен құралдары жедел түрде жетіп, барлау және эвакуациялау жұмыстарын бастады. Құтқарушылардың күшімен 9 адам, оның ішінде 4 бала эвакуацияланды. Тағы 72 тұрғын өздігінен эвакуацияланды. Қызыл жалын төрт бөлмелі пәтердің жатын бөлмесінде шықты. Өрт қысқа мерзімде сөндірілді», - деп жазылған ТЖМ баспасөз хабарламасында.

Қарағанды облысында кафеде газ баллоны жарылып, 2 адам көз жұмғаны туралы жаздық.

#тұрғын үй