Заң мен тәртіп: Елордада кәмелетке толмағандардың құқықтарын қорғау мәселесі талқыланды

Фото: Жансая Таңырқұл

Әл-Фараби атындағы Оқушылар сарайында ұйымдастырылған дөңгелек үстелде кәмелетке толмағандардың құқықтарын қорғау саласындағы заңдылықтың жай-күйі қаралып, құқық бұзушылықтардың алдын алу мәселелері талқыланды, деп хабарлайды Elordainfo.kz

Іс-шараға Астана қаласы Білім басқармасының басшысы Қасымхан Сенғазыев, «Алматы» ауданының прокуроры Нұрлан Тойчубеков, осы ауданның Полиция басқармасының басшысы Әлібек Қожахметов, сондай-ақ өзге де құқық қорғау органдарының өкілдері мен ауданға қарасты мектеп директорлары қатысты.

Қоғамдық мүдделерді қорғау бөлімінің басшысы Ақылбек Қуат балалардың мектептегі қауіпсіздігін қамтамасыз ету бойынша жүргізілген талдау барысын баяндады.

Ол мектептердегі күзет қызметін жетілдіруге, Солтүстік Қазақстан облысында іске асырылып жатқан «Балалық шақтың цифрлық қорғаушысы» жобасын енгізуге, аудан мектептерінің басшыларына прокуратура органдарымен өзара іс-қимылды күшейтіп, оқушылар тарапынан құқық бұзушылықтарды ерте анықтауға бағытталған жұмысты жандандыру бойынша ұсынысын айтты.