Бұл туралы Төтенше жағдайлар министрлігінің баспасөз қызметі мәлімдеді, деп хабарлады Elordainfo.kz.
«Қарағанды облысының құтұқарушыларына Қарқаралы ауданы Айнабұлақ қыстағынан қария шұғыл медициналық көмекке мұқтаж екендігі, алайда боранның себебінен жедел медициналық жәрдем көлігі үшін жол жүру мүмкіндігі жоқ туралы хабарлама келіп түсті. Құтқарушылар тобы медициналық қызметкердің сүйемелдеуімен оқиға орнына күрделі жағдайларда жұмыс істеуге арналған ТРЭКОЛ жол талғамайтын көлігімен жөнелтілді. Осылайша 77 жастағы ақсақал шұғыл түрде аудандық орталық ауруханаға жеткізілді. Қазіргі уақытта ол дәрігерлердің бақылауында», - деп жазылған хабарламада.
