Тамыз айының соңғы күндері ауа райы қандай болады

фото: Оңалхан Өнерхан

«Қазгидромет» РМК тамыз айының соңғы күндеріне арналған ауа райы болжамын жариялады, деп хабарлады Elordainfo.kz.

«29 тамызда солтүстік-батыс циклонының ойпатының өтуіне байланысты елдің солтүстік, орталық және шығыс аймақтарында ауа райының тұрақсыз сипаты болжанып отыр. 30 тамызда тұрақсыз ауа райы Қазақстанның оңтүстік-шығысын да қамтиды. Жаңбыр, найзағай күтіледі, 30 тамызда елдің солтүстігінде, шығысында және орталығында бұршақ пен екпінді желмен бірге қатты жаңбыр болжанады. Республика бойынша желдің күшеюі, батыста, солтүстікте, солтүстік-батыста түнде және таңертең тұман күтіледі»,- делінген хабарламада.

Батыста ауа температурасы +20…+31°С шегінде, оңтүстік-батыста +27…+35°С болады.

Ауаның төмендеуі күтіледі:

Қазақстанның солтүстік-батысында +23…+33°С-тан +15…+23°С-қа дейін,
солтүстік облыстарда қатты ыстық +30…+35°С-тан +15…+23°С-қа дейін,
елдің орталығында қатты ыстық +30…+37°С-тан +18…+27°С-қа дейін,
Шығыс Қазақстанда +22…+32°С-тан +17…+28°С-қа дейін,
оңтүстік облыстарда қатты ыстық +30…+41°С-тан +26…+35°С-қа дейін төмендейді.
Оңтүстік-шығыста +33…+38°С қатты ыстық сақталады, таулы аймақтарда +23…+28°С болады.