Түркияда жергілікті уақыт бойынша 12:50-де Стамбұл маңында күшті жер сілкінісі болды, деп хабарлады Elordainfo.kz.

TRT телеарнасының хабарлауынша, жер сілкінісі Мәрмәр теңізі аймағына түгел сезілген.

Сейсмологтардың мәліметінше, зілзаланың магнитудасы 6,2 болған.

Жерасты дүмпулерінің эпицентрі Стамбұлдан оңтүстік-батысқа қарай 44 шақырым жерде орналасқан.

13:58-де Түркияда магнитудасы 4,1 болатын тағы бір жер сілкінісі тіркелді. Оның да эпицентрі Стамбұлдан 44 шақырым оңтүстік-батыста болған.