Синоптиктер елімізде қазанның 1-3-і аралығында қандай ауа райы күтілетінін айтты, деп хабарлады Elordainfo.kz "Қазгидромет" РМК-ға сілтеме жасап.

Қазан айының алғашқы күндері ауа райы құбылмалы болады.

Солтүстік-батыс антициклоны республиканың батысы мен солтүстік-батысында құрғақ және шуақты ауа райын қамтамасыз етеді.

Елдің қалған бөлігінде атмосфералық фронттардың өтуімен жауын-шашын болады, оңтүстік-шығыстың таулы аймақтарында қатты жауын-шашын (жаңбыр, қар) болып, жел күшейіп, түнде және таңертең тұман түседі деп болжанды.

Температураның күрт өзгеруі күтілмейді.