Қостанайда полицейді жабылып соққыға жыққандардың үстінен қылмыстық іс қозғалды

Қостанай облысы ПД видеосының скрині

Қостанай қаласында мас күйдегі бір топ адам полиция қызметкеріне агрессивті түрде шабуыл жасады, деп хабарлайды Elordainfo.kz Қостанай облысы Полиция департаментіне сілтеме жасап.

«Полиция қызметкері қызметтен тыс уақытта, кәмелетке толмаған балаларын ертіп жүрген кезінде қоғамдық тәртіпті өрескел бұзған құқық бұзушыларға ескерту жасаған. Бұған жауап ретінде олар ашық агрессия танытып, оған қарсы күш қолданған», делінген хабарламада.

Қазір шабуыл жасаған барлық тұлға анықталып, оқиға орнында ұсталды. Билік өкіліне шабуыл жасау фактісі бойынша қылмыстық іс қозғалды.