Қазақстанда Digital Nauryz қорытындылары жарияланды: миллиондаған құттықтау және мыңдаған онлайн-іс-шара

Фото: Нұркен Мерғалиев

Қазақстанда Наурыз мерекесін атап өтудің жаңа моделінің нәтижелері таныстырылды. Бұл модель жоғары технологияларға негізделген. «Наурызнама» онкүндігі аясында ел бойынша 7 мыңнан астам іс-шара өтті, оның ішінде 1 мыңнан астамы цифрлық форматта ұйымдастырылды, деп хабарлайды Elordainfo.kz Nauryznama ресми Telegram-арнасына сілтеме жасап.

Әлеуметтік желілер мен БАҚ-тағы жалпы онлайн қамту 14 миллион адамға жетті, ал eGov экожүйесі арқылы қазақстандықтар 5 миллионнан астам мерекелік құттықтау жолдады.

Инфографика: t.me/nauryznama

Ұйымдастырушылардың айтуынша, Digital Nauryz платформасын енгізу дәстүрлерді заманауи форматқа көшіруге мүмкіндік берді. Бұл платформа 80 мыңнан астам белсенді қолданушыны бір алаңда біріктіріп, мерекені жаңа деңгейде атап өтуге жол ашты.

#Наурызнама