Қарағандыда фаст-фуд дүңгіршегінде газ баллоны жарылып 4 адам зардап шекті

Фото: Қарағанды облысы ТЖД

Қарағандыда фаст-фуд дүңгіршегінде газ баллоны жарылып 4 адам зардап шекті, деп хабарлайды Elordainfo.kz Қарағанды облысы ТЖД-ға сілтеме жасап.

«22 қаңтарда Қарағанды қаласының Қазыбек би ауданындағы Ермеков көшесінде жеке фаст-фуд дүңгіршегінде 17 литрлік баллоннан шыққан газ-ауа қоспасы жарылды. Жарылыс салдарынан 30 шаршы метр аумақта сыртқы және ішкі панельдер, жиһаз, тұрмыстық техника және пайдаланылған заттар өртенді», делінген хабарламада.

Төтеншеліктер дүңгіршектен екі 27 литрлік газ баллонын алып шықты. Оқыс оқиға салдарынан төрт адамды күйік алып, ауруханаға жеткізілді. Қазір оқиғаның мән-жайы тексеріліп жатыр.

Еске салсақ, Маңғыстауда заңсыз көші-қон арнасын ұйымдастырған қылмыстық топ ұсталды.