Бұл туралы Көлік министрі Сенат кулуарында айтты, деп хабарлады Elordainfo.kz. 

Марат Қарабаевқа БАҚ өкілдері Президенттің сөгісі туралы есіне салды. Журналистер министрден сөгістен соң қандай сезімде екенін, бұл сынға қалай қарайтынын сұрады.

«Саяси мемлекеттік қызметшінің Мемлекет басшысының шешімін талқылауға құқығы жоқ. Ал біздің министрлікке, министрлік қызметкерлеріне келетін болсақ, біз Президенттің алдымызға қойған тапсырмаларын уақытылы және сапалы орындау үшін бірлесіп жұмыс істейтін боламыз. Мен осы мемлекеттік органның бірінші басшысы ретінде өзіме артылған сенімді ақтау үшін бар күшімді саламын», - деп жауап берді министр.