Phygital International өкілі Астананы фиджитал турнирін өткізу үшін ең қолайлы орын деп атады

Фото: Орталық коммуникациялар қызметі

Орталық коммуникациялар қызметінде өткен баспасөз конференциясында Phygital International бас атқарушы директоры Дэн Меркли осылай мәлімдеді., деп хабарлайды Elordainfo.kz.

Phygital International бас атқарушы директоры Дэн Мерклидің айтуынша, «Болашақ ойындары» турнирінің негізінде физикалық дайындық пен бәсекеге қабілетті геймингті бір дисциплина аясында біріктіретін спорттың жаңа моделі жатыр. Жаһандық фиджитал-қозғалыстың басты оқиғасы ретінде «Болашақ ойындары» спортшылар мен жанкүйерлердің жаңа буыны үшін спорттың қалай өзгеретінін көрсетеді.

Бүгінде бұл идея шын мәніндегі жаһандық қозғалысқа айналды. Фиджитал-спорт әлемнің 115-тен астам елінде дамып, спорттың болашағына ортақ көзқараспен қарайтын спортшыларды, клубтарды, технологиялық серіктестерді және спорт ұйымдарын біріктіріп отыр.

«Астана турнирді өткізу үшін ең қолайлы орын болып табылады. Қазақстан инновацияларға, технологияларға, жастарды дамытуға және халықаралық ынтымақтастыққа инвестиция салуға нақты ұмтылысын көрсетіп отыр. Алдағы 12 күн ішінде әлемнің ең мықты спортшылары сегіз дисциплина бойынша бақ сынайды. Біз Астанада әлемнің түкпір-түкпірінен келген өкілдердің басын қосып, сонымен қатар Қазақстанды кең халықаралық аудиторияға таныстыру мүмкіндігін мақтан тұтамыз», - деді спикер.