Бұл туралы Қостанай облысының Полиция департаменті мәлім етті, деп хабарлады Elordainfo.kz.  

«Алғашқы медициналық жәрдем көрсету кезінде медицина қызметкерлері және үй иелері арасында кикілжің болып, 41 және 51 жастағы әйелдер фельдшерді соққыға жыққан», - делінген хабарламада.

Жедел жәрдем жүрегі ауырған адамға көмекке барған. Реанимация шаралары нәтиже бермей пациенттің жүрегі тоқтаған. Оның екі қызы фельдшер Анель Баймұрзинаға шабуыл жасап, шашын жұлып, ұрып-соққан.

«Екінші фельдшер мен көлік жүргізушісі құтқарып қала алмады. Тек көршісі келіп ажыратып алды», - дейді ол.

Фельдшердің миы шайқалып, самайы көгеріп, беті жараланған. Қазір ол ауруханаға жатқызылды.