Қосшы қаласында 400-ге жуық тұрғын баспаналы болды

Фото: Оңалхан Өнерхан

Қосшы қаласында «Сиреневый сад» («Ынтымақ») тұрғын үй кешенінен 371 пәтер пайдалануға берілді. Оның 261-і – әлеуметтік осал топтағы кезекте тұрған азаматтарға берілді, деп хабарлады Elordainfo.kz.

Бұған дейін, бір ай бұрын, 11 жылдан астам уақыт бойы өз пәтерін күткен үлескерлерге 104 пәтердің кілттері табысталды.

Құрылыстың тоқтап қалуына бұрынғы құрылысшының заңсыз әрекеті себеп болды. Оның басшысы үлескерлердің 918 млн теңгесін жымқырып, 8 жылға бас бостандығынан айырылды.

Жобаны аяқтауды «КГС Сауда» ЖШС инвестор-компаниясы қолға алды. Бұл келісім Қосшы қаласы прокуратурасының бастамасымен мемлекетке қайтарылған 3,2 гектар жерді беру арқылы жүзеге асты.

Нәтижесінде үлескерлердің бұзылған құқықтары қорғалып, жүздеген отбасы баспаналы болды.