2026 жылы таеквондодан Гран-придің финалдық кезеңі Астанада өтеді. Бұл шешім Әлемдік кеңестің Фуджейра (БАӘ) қаласында өткен отырысында қабылданды, деп хабарлады Elordainfo.kz.

Қазақстандық делегация әзірлеген жоба халықаралық ұйым тарапынан бірауыздан қолдау тапты.

Еске салайық, бұл турнирді өткізу құқығы үшін 18 ел бақ сынаған болатын.

Келер жылы Қазақстан астанасында әлемнің ең мықты таеквондошылары жиналады.

Гран-при барысында 2028 жылғы Олимпиада ойындарына жолдамалар сарапқа салынады.