Елордада мас күйінде көлік жүргізген әйел қайта ұсталды – ВИДЕО

Фото: видеодан скрин/police_astana

Астанада полиция қызметкерлері Республика мен Дүкенұлы көшелерінің қиылысында Kia Cerato автокөлігін тоқтатты, деп хабарлайды Elordainfo.kz қалалық Полиция департаментіне сілтеме жасап.

Тексеру барысында жүргізушінің мас күйінде екені сот-медициналық сараптама қорытындысымен анықталды.

«Тексеру барысында аталған азаматтың бұған дейін де мас күйінде көлік жүргізгені үшін жүргізуші куәлігінен айырылғаны белгілі болды.

Осыған байланысты оған қатысты Қазақстан Республикасы Қылмыстық кодексінің 346-бабының 1-бөлігі бойынша қылмыстық іс қозғалды.

Күдікті уақытша ұстау изоляторына қамалып, автокөлігі арнайы айыппұл тұрағына қойылды», - делінген хабарламада.

Астана қаласының Полиция департаменті азаматтарды жол қозғалысы ережелерін қатаң сақтауға және өз өмірі мен өзгенің қауіпсіздігіне бейжай қарамауға шақырады.

Еске салсақ, елордада түнгі тыныштықты бұзған мотоцикл жүргізушілері жазаланды.