Қазгидромет 30 қарашада ауа райына байланысты еліміздің бірқатар өңірінде дауылды ескерту жариялады, деп хабарлады Elordainfo.kz.

Синоптиктердің болжамы бойынша, Астанада 30 қарашада түнде және таңертең көктайғақ болады.

Түнде және таңертең Абай облысының оңтүстігінде, орталығында тұман түседі деп болжанады.

Атырау облысының солтүстігінде, батысында, оңтүстігінде және орталығында да тұман болады.

Маңғыстау облысының солтүстігінде, орталығында тұман болады.

Түнде Ақмола облысының солтүстігінде, шығысында жаяу бұрқасын жүріп, көктайғақ болады, түнде және таңертең облыстың солтүстігінде, шығысында тұман түседі.

Көкшетауда 30 қарашада түнде және таңертең көктайғақ болады.

Түнде және таңертең Ақтөбе облысының шығысында тұман түседі деп болжанады.

Батыс Қазақстан облысының батысында, солтүстігінде, шығысында және орталығында да тұман болады.

Қостанай облысының батысында, солтүстігінде, шығысында және орталығында да тұман болады.

Түркістан облысының батысында, оңтүстігінде, таулы аудандарында және орталығында да тұман түседі деп болжанады.

Түнде Павлодар облысында қар жауады, күндіз облыстың солтүстігінде, шығысында жаяу бұрқасын жүреді, көктайғақ, жауын-шашын (жаңбыр, қар) болады. Облыстың солтүстігінде, шығысында тұман болады. 

Солтүстік Қазақстан облысының батысында, шығысында аздап қар жауады, жаяу бұрқасын жүреді, көктайғақ болады. Облыстың батысында, солтүстігінде, шығысында тұман түсу ықтималдылығы жоғары.