Елімізде рекордтық көлемде төлқұжат шығарылды

Фото: Оңалхан Өнерхан

2024 жылы елімізде 1 488 308 Қазақстан Республикасының азаматының төлқұжаты дайындалды. Бұл 30 жылдың ішіндегі рекордық көрсеткіш, деп хабарлады Elordainfo.kz Polisia.kz-ке сілтеме жасап.

«Оның негізі себептерінің бірі – балалар үшін төлқұжат құнының екі есе төмендеуі. Қазақстан Республикасының азаматы паспортын алған ең жас азаматтың туғанына небәрі 10 күн, ал құжат алған ең үлкен азаматтың жасы 109-да болды», - делінген хабарламада.

Елге реадмиссия тәртібінде шетелде құжатсыз жүрген 70 қазақстандық азамат қайтарылды. Былтыр шетелдік жұмыс күшін заңсыз еңбекке тартқан 3 786 жұмыс беруші анықталды.

Президент Жолдауын іске асыру аясында оңайлатылған тәртіпте 41 шетелдік IT-маманына елімізде тұрақты өмір сүруге рұқсат берілді.