Азия ойындары: Қазақстандық биатлоншылар қола медальға ие болды

Фото: Қазақстан ҰОК баспасөз қызметінен

Қытайдың Харбин қаласында өтіп жатқан қысқы Азия ойындарында Қазақстан қоржынына тағы бір қола медаль түсті, деп хабарлады Elordainfo.kz.

Биатлоннан әйелдер арасындағы эстафетада (4×6 км) Ұлттық құрама мәреге үшінші жетті.

Жарыс жолына шыққан Ольга Полторанина, Арина Крюкова, Дарья Климина мен Елизавета Белецкая төрттігі Қытай (алтын) мен Оңтүстік Корея спортшыларынан қалып кетті.

Бүгін барлығы 5 мемлекеттің әйелдер құрамасы жүлдеге таласты. Енді Астана уақытымен 10:00-де ерлер эстафетада биатлоннан соңғы жүлде жиынтығын сарапқа салады.

Айта кетейік, бұл – биатлоншылардың IX қысқы ойындағы 3-медалі. Осыған дейін жекелей сында Владислав Киреев чемпион, Вадим Куралес күміс жүлдегер атанған болатын.