Астаналық полицейлер танысын 8 млн теңгеге алдаған күдіктіні ұстады

Фото: polisia.kz

Астанада полицейлер алаяқтық жасады деген күдікпен 37 жастағы әйелді анықтады, деп хабарлайды Elordainfo.kz polisia.kz сайтына сілтеме жасап.

Ол ұлттық компанияға жұмысқа орналастыруды сылтау етіп, 8 миллион теңгеден астам қаражатты иемденген.

Алдын ала мәлімет бойынша күдікті танысына өзін және оның отбасы мүшелерін ұлттық компанияға жұмысқа орналастырып беруге уәде еткен.

Ол компания басшылығымен жеке таныстығын алға тартып, жұмысқа қабылдауға «ықпал ету» және «келіссөз жүргізу» үшін ақшалай сыйақы алған.

Ақшаны алғаннан кейін күдікті байланысқа шығуды тоқтатып, берген уәдесін орындамаған. Осыдан кейін жәбірленуші полицияға жүгінген.

«Аталған факті бойынша қылмыстық іс қозғалды.

Қазіргі уақытта әйел жауапқа тартылды», - делінген хабарламада.

Еске сала кетейік, Астана полицейлері TikTok арқылы алаяқтық жасаған күдіктіні ұстады.

#астана #алаяқ #Заңментәртіп

Әлеуметтік желілерді бөлісіңіз

Ұқсас жаңалықтар