Астаналық балуан Албаниядағы турнирде қола медаль жеңіп алды

Фото: uww.org

Албанияда күрес түрлерінен өтіп жатқан рейтингтік турнирде ел намысын қорғаған елордалық балуан Ризабек Айтмұхан (-97 кг) қола жүлде жеңіп алды, деп хабарлайды Elordainfo.kz қала әкімдігінің ресми сайтына сілтеме жасап.

97 келіге дейінгі салмақта Ризабек Айтмұхан үшінші орын үшін белдесуде Үндістан өкілі Джойнти Кумармен кездесіп, айқын басымдықпен мерзімінен бұрын жеңіске жетті. Ол қарсыласын небәрі 23 секундтың ішінде 10:0 есебімен ұтып, турнирдің қола медалін иеленді.

Осыған дейін жартылай финалда Ризабек ресейлік спортшы, екі дүркін Олимпиада чемпионы және бес дүркін әлем чемпионы Абдулрашид Садулаевқа 3:14 есебімен есе жіберген еді.

Еске салсақ, бұған дейін Болат Сақаев та Албанияда қола медаль жеңіп алған болатын.