Астанада «Jana men kùz run» бұқаралық күзгі жүгіру жарысы өтеді

Фото: Астана қаласы әкімдігі

12 қыркүйекте Астанада «Jana men kùz run» бұқаралық күзгі жарыс өтеді. Спорт іс-шарасы «Заң мен тәртіп» идеологиясы аясында Триатлон саябағында ұйымдастырылады, деп хабарлайды Elordainfo.kz.

Жарыс сағат 09:00-де басталады. Қатысушылар 3, 5 немесе 10 шақырым үш қашықтықтың бірін таңдай алады. Қатысушылар саны 1 800 адаммен шектелген.

Жарысқа қатысу тегін. Онлайн тіркелу 9 қыркүйекте reg.elordasport.kz сайтында ашылады. Офлайн тіркелу қарастырылмаған. Старт нөмірлер 11 қыркүйек күні сағат 10:00-ден 19:00-ге дейін Триатлон саябағындағы «Арқар» көпірінің астында беріледі.

Жүгіру жарысының мақсаты – бұқаралық спортты дамыту, салауатты өмір салтын насихаттау және елорда тұрғындарын тұрақты дене белсенділігіне тарту.