Алматы облысының жергілікті атқарушы органдарының 17 лауазымды тұлғасы мемлекеттік аудит қорытындысы бойынша тәртіптік жауапкершілікке тартылды, деп хабарлады Elordainfo.kz.
Жоғары аудиторлық палата өңірдегі тексеру іс-шараларын аяқтады. Аудит барысында жергілікті атқарушы органдарында бюджет және өзге де заңнамалары бойынша бірқатар бұзушылықтар анықталды.
«Жоғары аудиторлық палатаның нұсқамасын орындау шеңберінде облыстың атқарушы органдарының 17 лауазымды тұлғасы бұзушылықтарға жол бергені үшін тәртіптік жауапкершілікке тартылды. Өңірдің басқармаларының бірінің басшысына қатысты қазіргі уақытта қызметтік тексеру жүріп жатыр», - деді ведомствоның баспасөз қызметі.
