Ұлттық ұлан сарбаздары Абай Құнанбайұлының 180 жылдығын атап өту кезінде жоғалған балаларды тапты, деп хабарлады Elordainfo.kz.

Оқиға Абай облысы Қарауыл ауылында ақынның 180 жылдығына арналған мерекелік іс-шара болды. Мерекелік іс-шараға жүздеген тұрғын мен қонақ жиналған сәтте Ұлттық ұланның патрульдік тобына жергілікті тұрғын жүгініп, 11 мен 9 жастағы балаларын жоғалтып алғанын хабарлады.

Бұл күні  әскери жасақ қоғамдық тәртіпті қадағалап, ауыл тұрғындары мен қонақтарының қауіпсіздігін қамтамасыз етіп жүрді. Балалардың жоғалғаны жөнінде хабар алған сәтте-ақ олар халықтың көптігіне қарамастан дереу іздестіру жұмыстарын бастады.

Әскерилердің шұғыл әрекетінің арқасында балалар аман есен әрі жылдам табылды.