«Жыл сайын сол үйлерді су басады» – Бектенов Ақмола облысы әкімін сынға алды

Премьер-министр Олжас Бектенов үйлерді су басатынын айтып, Ақмола облысы әкімдігі жұмысын сынға алды, деп хабарлады Elordainfo.kz.

Бұл туралы Үкімет отырысында айтылды.

Үкімет басшысының ақпараты бойынша, жалпы республика бойынша су тасқыны бойынша жағдай тұрақты. Алайда Ақмола облысында жағдай күрделене түсті. Мұнда 100-ден астам тұрғын үй су астында қалды.

«Су басу себептері елді мекендерді қорғау бойынша инженерлік жұмыстардың тиісінше жүргізілмеуінен болды. Мысалы, Старый Колутон ауылында Колутон өзенін тазарту, жағалауды нығайту, түбін тереңдету жұмыстары тек 3 шақырым учаскеде жүргізілді. Ал жобада 11 шақырым жұмыс көзделген. Нәтижесінде өзендердің төгілуіне байланысты үйлер су астында қалды. Су деңгейі төмен, бірақ оны болдырмауға болады», - деп атап өтті Бектенов.

Сондай-ақ зардап шеккен елді мекендердің қатарында Макинск қаласы болды. Бектеновтың айтуынша, жергілікті билік қаланы су тасқынынан қорғау бойынша қажетті шараларды уақытылы қабылдаған жоқ.  Премьер-министр өңірде жыл сайын су тасқыны кезінде сол елді мекендерді су басатынын атап өтіп, Ақмола облысының әкімі Марат Ахметжановке қабылданып жатқан шаралардың тиімсіз екенін айтты .

«Демек Ақмола облысында қабылданып жатқан шаралар тиімсіз. Марат Мұратұлы (облыс әкімі Марат Ахметжанов), жоспарларыңызды қарап шығыңыз және биыл барлық қажетті жұмыстарды орындаңыз. Үйлері мен учаскелері су басқан адамдарға қажетті көмек көрсетіңіз», - деді Бектенов.