«Таза Қазақстан»: Елорданың ірі сауда орталықтары эко-айлықты қолдады

13 сәуір мен 11 мамыр аралығында елордада «Таза Қазақстан. Астана-тазалық пен тәртіптің үлгісі» көктемдік экоайлық өтеді, деп хабарлады Elorda.info қалалық әкімдіктің ресми сайтына сілтеме жасап.

Қаланы санитарлық тазалауға, абаттандыруға және көгалдандыруға бағытталған экоакцияны кәсіпкерлер де қолдады.

Акцияға ірі сауда-ойын-сауық орталықтарының қызметкерлері, соның ішінде «Сарыарқа», Mega Silk way және «Алма-Ата» іскерлік үйі мен «Сауран» сауда үйі, сондай-ақ «Көше саудасына 1000 орын» бағдарламасының қатысушылары және т.б. бар.

Акция бес аптаға созылады, әр апта белгілі бір тақырыпқа арналады.

Осы апта «Таза өлке» деген атпен өтуде. Ауқымды эко айлық «Тазару» жалпыұлттық экологиялық акциясы аясында өтіп жатыр. Өз аумақтары мен аулаларын тазалауды елорда тұрғындары, қоғам қайраткерлері, ұйымдар мен кәсіпкерлер сауда, туризм және өнеркәсіп саласында жүргізеді.

Сондай-ақ 270 мыңнан астам жасыл желек отырғызу жоспарлануда.

Мемлекет басшысы өз үндеуінде көшелерді тазарту, елдімекендердің аумақтарын көгалдандыру және абаттандыру бойынша науқан жүргізудің маңыздылығын атап өтті. Осыған байланысты барлық бей-жай қарамайтын тұрғындарды осы акцияға белсенді қатысуға шақырды.