Елордада қай жерде атпен серуендеуге болады?

Қазақ халқы жылқыны ерекше қастерлеп, жанына жақын тартатқан. Ежелден ат үстінде өскен қазақ үшін атқа мініп  серуендеу  таңсық емес. Ауылдағы ағайын жылқыға күнде мінсе, бірақ қала тұрғындарында ондай мүмкіндік жоқ. Есесіне қала маңында атты жалға алып, серуендейтін жерлер бар. Elorda.info тілшісі елорда аумағында қолжетімді бағада атқа мінуге болатын орындар туралы ақпарат жинады. 

1.Argymaq.boss – Ат клубы

Мекенжайы:  Нұра ауылы

Бағасы: 1 сағат – 5000 теңге. 

Анықтама: Ат клубы күн сайын сағат таңғы 9:00-ден түнгі 23:00-ге дейін жұмыс істейді. Нақты мекенжайы картада жоқ, сондықтан алдын ала келісіп, жолды анықтап алған жөн. 

2. Horse Astana Kamelot – Ат клубы 

Мекенжайы: Жібек-Жолы ауылы, Чайка көшесі, 14.

Бағасы: 30 минут – 3000 теңге, 1 сағат – 5000 теңге. Клуб аумағынан шығып серуендеу сағатына -10 000 теңге.

Анықтама: Ат клубында демалушылардың қауіпсіздігі үшін нұсқаушы бірге жүреді. Балаларға серуеніне арналған пони бар. Сондай-ақ, фототүсірілім жасау үшін арнайы аттар бар. Түсірілімге атты 30 минут жалға алу 10 000 теңге тұрады.

3. Absent_ippodrom – Атпен серуендеу

Мекенжайы: Шаруашылық корпусы (https://2gis.kz/astana/geo/9570784863372282)

Бағасы:  бір адамға – 5000 теңге.

Анықтама: Алдын ала төлем жасау қажет. Бір күн бұрын брондау жойылған жағдайда, төлем қайтарылмайды. Аумақта киіз үйді жалға алуға және пикник ұйымдастыруға болады.

4.Auylum – Ат туры

Мекенжайы: Айналма жол 229, 2

Бағасы:  бір адамға – 6000 теңге.

Анықтама: Далада атпен серуендеу  шамамен 8 шақырымды құрайды. Серуен уақыты шамамен бір сағат.

5. Aliba.travel – Ат туры

Мекенжайы: Бөгенбай батыр көшесінде орналасқан «Фаворит» бизнес орталығы. Бұл жерде демалушыларды нақты мекенжайға апаратын көлік күтеді. Жиналу жұмыс күндері сағат: 17:30-да, демалыс күндері: 10.30-да  басталады. 

Бағасы: бір адамға – 15 000 теңге. 

Анықтама: Тур барасында демалушы 2 сағат атпен серуендеп, табиғат аясында тыңығуға мүмкіндік алады. Самаурыннан ыстық шай ішіп, ұлттық ойындар ойнауға болады.