Egov емханаға тіркелу қызметін жаңартты

Енді емханаға тіркелу қызметі тек ел азаматтары үшін ғана емес, сонымен қатар қандастар мен бейрезиденттер үшін де қолжетімді, деп хабарлады Elorda.info. 

Медициналық мекемеге тіркелу барысында пайдаланушылар дәрігерді таңдай алады, сонымен қатар медициналық қызмет көрсету учаскесінің нөмірі туралы ақпаратты көре алады.

Алғашқы медициналық-санитарлық көмек көрсететін медициналық ұйымға тіркелу қызметі eGov.kz-те ең танымал қызметтердің бірі болып қала береді. 2024 жылдың 6 айында ғана порталға емханаларға тіркелу бойынша 1,2 млн-нан астам өтінім берілді.

Қызметті тек тұрғылықты жері өзгерген жағдайда ғана емес, сонымен қатар медициналық ұйымды жылына бір реттен жиі емес (15 қыркүйектен 15 қарашаға дейінгі кезеңде) ауыстыруға болады.

Қызмет үш қадаммен жүзеге асырылады:

- eGov.kz порталына кіріңіз және «Денсаулық сақтау» бөліміне өтіңіз;

- қызметтер тізімінен «Емханаға тіркелу» тармағын таңдаңыз және барлық қажетті жолдарды толтырыңыз;

- ЭЦҚ көмегімен қызметке қол қойыңыз;