Қазақстанда 10 мыңнан астам адамға іздеу жарияланған

Жоғалған адамдардың көп бөлігі Алматы қаласы (278), Қарағанды облысы (217),  Павлодар облысы (170) және Алматы облысында  (152) тіркелген.

Үйден кетіп, оралмаған - 1 572 адам, автокөлікпен жоғалған – 73, жұмыстан оралмаған - 38. 

«Көбінесе 30 -дан 49 жас аралығындағы ер адамдар әртүрлі жағдайларда жоғалады. Сондай-ақ, елде тергеу мен соттан жасырынған 2 378 адам іздестірілуде. Іздестірілуде жүргендер негізінен 31 мен 40 жас аралығындағы ер адамдар», - деді Бас прокуратура.

Олардың көбіне алаяқтық (526), ұрлық (309) және адам өлтіру (143) дерегі бойынша іздеу жарияланған. 

Қазақстанда іздестіруді ішкі істер органдары, экономикалық тергеу қызметі және сыбайлас жемқорлыққа қарсы қызметі жүзеге асырады.