Ауа райының тұрақсыз сипаты сақталады

«Қазгидромет» КМК мәліметінше Республиканың батысы мен солтүстігінде қар мен бұрқасын байқалған Атлантикалық циклон біртіндеп солтүстік-шығысқа қарай жылжиды, деп хабарлады Elorda.info 

Ал ңтүстік-батыстан антициклон енеді, онымен жауын-шашынның тоқтауы және ауа температурасының қысқа мерзімді төмендеуі болжанады: солтүстік аймақтарда түнгі сағаттарында ауа температурасы 5-10 градус аязға дейін төмендейді. Бірақ антициклон елімізде тұрақталмайды, себебі, батыстан Атлантика аудандарынан тағы бір циклон жылжиды, бұл ауа-райының тұрақсыз сипатын тағы да анықтайды, - деп жазды ведомство. 

Сонымен қатар жауын-шашын, мұзды жаңбыр мен қар жауады. Бұрқасын мен жел күшейеді және көктайғақ құбылыстары байқалады. Ал температуралық фонда күрт өзгерістер күтілмейді. Тек оңтүстік өңірлерде ауа райы жауын-шашынсыз болжанады.