Астанада Тұран даңғылында жол жөндеу жұмыстары басталды

Бұл туралы қалалық әкімдіктің ресми сайты мәлімдеді, деп хабарлады Elorda.info.

Осы  жылдың 28-30 мамыр аралығында Тұран даңғылы бойынша Хусейн бен Талал көшесінен Ұлы Дала даңғылына дейінгі учаскеде және Ұлы Дала даңғылынан Сығанақ көшесіне дейінгі учаскеде жол төсемінің жоғарғы қабатын төсеу үшін Тұран даңғылын жабу жоспарланып отырғанын хабарлаймыз. Бұл ретте Тұран/Ұлы Дала қиылысы ашық болады, - деп жазылған хабарламада.

Астана тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз.